CYs a’r Menopos

Beth yw’r meopos?

Bydd pob menyw yn profi’r menopos
Dyma’r cyfnod pan fydd mislif yn dod i ben oherwydd bod lefelau’r hormonau’n gostwng
Mae hyn fel arfer yn digwydd rhwng 45 a 55 oed – yr oedran cyfartalog yw 51 oed
Weithiau bydd yn digwydd yn gynharach yn naturiol, neu am resymau fel llawdriniaeth i dynnu’r ofarïau (öofforectomi) neu’r groth (hysterectomi), triniaethau canser fel cemotherapi, neu reswm genetig. Weithiau ni fyddwn yn gwybod beth yw’r rheswm

Cyfnodau’r Menopos:

Peri-menopos – dechrau’r newidiadau hormonaidd
Menopos – yr amser ers y mislif olaf
Ar ôl y menopos – 12 mis o ddyddiad y mislif olaf

Symptomau’r menopos

Mae symptomau’r menopos yn fwy na ‘phlyciau poeth’ yn unig.

Er ei bod hi’n bosibl na fydd rhai pobl yn profi symptomau o gwbl neu’n profi mân symptomau’n unig, bydd y rhan fwyaf o bobl yn bobl yn profi rhai o symptomau’r menopos. Byddant yn effeithio’n wahanol ar bawb ac yn fwy difrifol i rai.

Fel arfer, mae’r symptomau’n gwella dros amser wrth i’n corff ddod i arfer â lefelau newydd o hormonau, ond gallant barhau am fisoedd, neu hyd yn oed am flynyddoedd ar ôl y menopos.

Y Menopos ac Iechyd Cyhyrysgerbydol

Felly pam ydym ni’n trafod y Menopos ac iechyd cyhyrysgerbydol?

Poen yn y cymalau yw prif symptom 21% o’r rhai sy’n mynd trwy’r menopos,.

Yn ystod ac ar ôl y Menopos mae risg uwch o dorri esgyrn ac Osteoporosis (esgyrn yn gwanhau).

Mae màs y cyhyrau a’n cryfder yn lleihau, ac weithiau, bydd ein tendonau’n anystwyth. Gall hyn gynyddu ein risg o anaf, effeithio ar yr amser mae’n ei gymryd i ni wella, ac effeithio’n ehangach ar ein hiechyd yn gyffredinol.

Y newyddion da yw y gall ymarfer corff, cwsg da, a dewis ffordd iach o fyw helpu i wella symptomau’r Menopos a lleihau effaith hirdymor cyflyrau fel Osteoporosis, gwendid yn y cyhyrau, ac iechyd meddwl.

Argymhellir ymarferion effaith, cryfder a chydbwysedd i helpu gwella swyddogaeth y cyhyrau ac iechyd yr esgyrn.

Mae hyn ar ben y manteision ehangach a ddaw o wneud ymarfer corff ar glefydau eraill.

Nid yw ymarfer corff bob amser yn golygu mynd i’r gampfa. Gall ymarfer corff fod yn gwneud rhywbeth rydych chi’n ei fwynhau fel cerdded, dawnsio, neu ddosbarthiadau ymarfer corff.

Mae CSP Stronger My Way yn wefan ddefnyddiol sy’n dangos sut i gynnwys ymarferion cryfder yn eich bywyd.

Ar gyfer syniadau am ymarferion cardiofasgwlaidd, cryfder a gwrthiant, ioga a philates gweler Stiwdio Ffitrwydd y GIG.

Menopos OAK

Mae’r Bwrdd Iechyd yn cynnal sesiynau addysg i’ch helpu i ddeall y menopos yn well. Rhaid i chi fod wedi cofrestru gyda meddyg teulu yng Ngwent i gael mynediad at y sesiynau hyn.

Os hoffech gofrestru eich diddordeb neu gael gwybod mwy am y sesiynau sydd i ddod.

Manylion cyswllt