Bwyd, Hwyliau a Symud

Ydych chi’n poeni am eich pwysau ac yn chwilio am gefnogaeth i wneud newidiadau cadarnhaol?

Rydym yn cynnig sesiwn untro o’r enw Bwyd, Hwyliau, Symud. I ddechrau, cwblhewch ein ffurflen atgyfeirio yma. Mae’r ffurflen hon yn ein helpu i nodi’r llwybr mwyaf priodol i chi. Yn dibynnu ar eich atebion, efallai y cewch eich tywys at opsiwn arall os nad yw’r sesiwn yn addas. Noder: mae angen cofnod cyfredol o’ch pwysau a’ch BMI er mwyn cwblhau’r ffurflen yn gywir.

Ynglŷn â Bwyd, Hwyliau a Symud

Sesiwn ryngweithiol a chefnogol 90 munud wedi’i gynllunio gan ein Dietegwyr Cofrestredig arbenigol a’n tîm MSK (Cyhyrysgerbydol) i’ch helpu i gymryd rheolaeth o’ch iechyd a’ch lles.

Gallwch ymuno â’r sesiwn yn rhithiol neu fynychu wyneb yn wyneb yn ein lleoliadau yng Nghasnewydd ac Ystrad Mynach.

Rhan 1: Maeth a Rheoli Pwysau Iach

Dan arweiniad dietegydd rheoli pwysau arbenigol, byddwch yn archwilio strategaethau ymarferol, sy’n seiliedig ar dystiolaeth, i wella’ch maeth a chefnogi rheoli pwysau iach.

Rhan 2: Symudiad a Lles Corfforol

Bydd ein tîm o Gydlynwyr Adsefydlu cyfeillgar yn tynnu sylw at bwysigrwydd symud ac yn rhannu ffyrdd syml a chyraeddadwy o aros yn actif a chadw’ch corff yn teimlo ar ei orau.

Byddwch ar eich ennill

Erbyn diwedd y sesiwn, bydd gennych fynediad at amrywiaeth o opsiynau cymorthdilynol, a fydd yn eich grymuso i ddewis y llwybr sy’n gweddu orau i’ch ffordd o fyw a’ch nodau. Rydyn ni yma i’ch helpu chi i deimlo’n well, symud mwy, a gwneud newidiadau cadarnhaol parhaol.