Mae’r gallu i weithio yn ffactor pwysig iawn yn ein lles.  Mae tystiolaeth yn dangos bod gweithio yn dda i’ch iechyd corfforol ac emosiynol.

Gweithio gyda phroblemau CYs

Mae’r gallu i weithio yn ffactor pwysig iawn yn ein lles.  Mae tystiolaeth yn dangos bod gweithio yn dda i’ch iechyd corfforol ac emosiynol.

Gall y boen neu’r blinder a achosir gan broblemau esgyrn, cyhyrau a chymalau wneud bywyd gwaith yn heriol.   Y gwir amdani yw y bydd y rhan fwyaf o oedolion yn profi poen cyhyrysgerbydol yn ystod eu bywyd gwaith, fodd bynnag, os caiff y problemau hyn eu nodi a bod pobl yn cael cyngor a sicrwydd yn gynnar, ni ddylai arwain at amser i ffwrdd o’r gwaith.

Mae llawer o bobl yn credu bod angen iddynt fod yn holliach (100%) neu’n ‘ddi-boen’ cyn iddynt ddychwelyd i’r gwaith.  Gyda’r rhan fwyaf o gyflyrau esgyrn, cyhyrau a chymalau, nid yw hyn yn wir.  Mae mynd i’r gwaith yn rhan bwysig o adsefydlu ac adfer ac mae yna bethau y gallwch feddwl amdanynt i’ch cefnogi i aros yn y gwaith.

Dyma rai pethau i’w hystyried os oes gennych broblem gyda’ch cyhyrau, esgyrn neu gymalau sy’n cael effaith ar eich bywyd gwaith:

Siaradwch â’ch rheolwr

Os ydych chi’n cael problemau, siaradwch â’ch rheolwr am y pethau sy’n anodd i chi i weld a oes gwahanol ffyrdd y gallech weithio gan ddefnyddio ‘addasiadau rhesymol’ a bod gennych yr holl offer angenrheidiol a’ch bod yn ei ddefnyddio’n iawn.  Po gynharaf y byddwch yn siarad â’ch cyflogwr, y cyflymaf y gall drafod y broblem ac, os oes angen, rhoi addasiadau ar waith a allai eich helpu.  Gallai addasiadau i’ch gwaith gynnwys pethau fel:

• Newid oriau gwaith, amseroedd egwyl neu leoliad gwaith
• Newid rhai tasgau gwaith
• Defnyddio offer a/neu ddodrefn penodol i’ch helpu yn eich gwaith
• Caniatáu amser i fynychu apwyntiadau iechyd ar gyfer adsefydlu

Os ydych chi wedi bod i ffwrdd o’r gwaith am gyfnod, byddai’n help dychwelyd i’r gwaith yn raddol dros gyfnod o amser i ailgyflwyno pob un o’r gweithgareddau y mae angen i chi eu gwneud fel rhan o’ch rôl fesul cam.  Mae dychwelyd yn raddol fel arfer yn para 2-6 wythnos ond bydd yn dibynnu ar bolisïau eich cyflogwyr.

Mae Arthritis UK wedi creu cynllun addasiadau gweithio a all eich helpu i ystyried eich opsiynau a deall eich hawliau: Work Adjustment Plan | Arthritis UK

Beth gallaf ei wneud i helpu fy hun? – Cael cyngor

Mae’n wych eich bod yn darllen y wybodaeth hon gan ei fod yn golygu eich bod eisoes wedi penderfynu helpu eich hun i wella.   Defnyddiwch y wybodaeth ar y wefan hon i’ch tywys.   Os oes gennych unrhyw gwestiynau neu os nad yw eich problem yn gwella, cysylltwch â’r gwasanaethau therapi drwy’r broses hunangyfeirio.
Mae cam dau yn esbonio’r ffactorau a allai fod yn cyfrannu at eich sefyllfa.
Mae cam tri yn esbonio cyngor hunanreoli ar yr hyn y gallwch ei wneud i helpu eich hun.