Darperir gwasanaeth mân anafiadau mewn unedau mân anafiadau a arweinir gan yr Ymarferydd Nyrsio Brys.

Mae mân anafiadau yn anafiadau i goesau a breichiau sy’n cynnwys troi/straenio, esgyrn wedi torri a mân ddatgymaliadau cymalau (e.e. bysedd a bysedd traed), clwyfau a mân losgiadau, anafiadau i’r clustiau a’r llygaid, mân anafiadau i’r pen yn ogystal â mân anafiadau i’r cefn a’r gwddf.

Mae 4 uned mân anafiadau ym Mwrdd Iechyd Prifysgol Aneurin Bevan.  Mae’r rhain yn:

• Ysbyty Nevill Hall
• Ysbyty Brenhinol Gwent
• Ysbyty Ystrad Fawr
• Ysbyty Aneurin Bevan

Gellir trin oedolion a phlant dros flwydd oed mewn uned mân anafiadau.

I gael gwybodaeth am anafiadau y gellir eu rheoli mewn adrannau mân anafiadau yn y Bwrdd Iechyd, ewch i’r tudalennau gwe BIPAB hyn – Unedau Mân Anafiadau – Bwrdd Iechyd Prifysgol Aneurin Bevan

O bryd i’w gilydd, gall y nyrs brysbennu neu’r Ymarferydd Nyrsio Brys asesu eich anaf fel un a allai fod yn fwy difrifol, ac efallai y bydd angen i chi gael eich ailgyfeirio i’r Adran Achosion Brys yn Ysbyty Athrofaol y Faenor.

Os nad ydych yn siŵr ble i fynd, gall GIG 111 eich helpu.

I gael help gan GIG 111, gallwch:

• fynd i 111.nhs.uk (ar gyfer pobl 5 oed a throsodd yn unig)
• ffonio 111

Byddwch yn ateb cwestiynau am eich symptomau ar y wefan, neu drwy siarad â chynghorydd sydd wedi’i hyfforddi’n llawn dros y ffôn, a gallwch ofyn am gyfieithydd os oes angen un arnoch.

Yn dibynnu ar y sefyllfa, byddwch yn:

• cael gwybod pa wasanaeth lleol all eich helpu
• cael eich cysylltu â nyrs, deintydd brys, fferyllydd neu feddyg teulu
• cael apwyntiad wyneb-yn-wyneb os oes angen un arnoch
• cael gwybod sut i gael unrhyw feddyginiaeth sydd ei hangen arnoch
• cael cyngor hunanofal